بالفيديو.. مواطن مصري: السيسي يدفع المواطنين لحمل السلاح

1-510-660x330

بوابة القليوبية 11 يناير 2017

هاجم متصل ببرنامج المذيع المصري محمد الغيطي على فضائية “ltc”، عبد الفتاح السيسي وحكومته، واتهمهما بالإرهاب واحتقار القضاء، محذرا من أن هذا النظام يدفع الناس لحمل السلاح ضد “الدولة”.

وفي المقطع المتداول للمحادثة الهاتفية مع الإعلامي محمد الغيطي على فضائية “ltc”، قال المتصل، ويدعى متولي، إن وزيرة التضامن الاجتماعي أصدرت شهادة وفاة له رغم أنه لا زال على قيد الحياة، و”سرقت” معاشه، ولم تحترم الحكم القضائي الصادر لصالحه، طبقا لقوله.

وأردف الرجل الستيني: “الارهاب اللي حصل في سيناء النهاردة ميجيش حاجة جنب ارهاب الدولة، لما الدولة متحترمش أحكام القضاء، ولما غادة والي دولة داخل الدولة والسيسي مش بيحاسبها هل ده مش إرهاب؟”.

وتساءل: “ده ميدفعنيش النهاردة إني أشيل سلاح ضد الدولة؟ أنا لو طلت انتقم من الدولة لن أتأخر ثانية، الدولة اللي تظلمني وتسرق حقي وتدمرني أنا وأسرتي تبقى دولة إرهابية، الحكومة الارهابية في مصر هي اللي بتخلق الإرهاب، أقسم بالله لو طلت أشيل سلاحه هشيله وأحارب الدولة لأن لا السيسي يمثلني ولا مصر تمثلني وتغور الجنسية المصرية في داهية”.

وكشف المتصل عن سبب ذلك، فقال: “لما أنا 62 سنة ومحروم من معاشي، ليه اللي أنا عملته؟ عارف هما بيعاملوني كده ليه؟ عشان أنا كنت مراجع في بنك القاهرة اكتشفت في عهد محمد مرسي إنه عامل حساب تبرعات باسم نهضة مصر في البنك المركزي واديت المستندات لوائل الأبراشي وطلع في عهد الإخوان وفضحهم، وبعد القبض على محمد مرسي؛ الرصيد بتاع الحساب كان فيه 3 مليار 753 مليون دولار يختفوا، وأنا اللي اتعاقب”.

وقال: “أنا أطالب عبد الفتاح السيسي بأنه يواجهني يا يديني حقي يا يديني ورق اخرج بيه بره مصر أنا وأسرتي لأن مصر حرماني من معاشي دي جريمة دولة وإسقاط للدستور وإسقاط للسيسي نفسه أنا فين حقي؟”.

 

التعليقات

أضف تعليقك باستخدام حساب الفيس بوك

شاهد أيضاً

787887

بالفيديو.. ريال مدريد يصارع اليوم على القمة بدون الويلزي وراموس والدون

بوابة القليوبية 26 أبريل 2017 يواجه نادى ريال مدريد مهمة صعبة، اليوم، بمنافسات الجولة 34 ...